Kaugalingung Paningkamot
"Para sa mga magtutudlo niining panahuna"
Kung gusto ka nga mahimung matinud-anun sa pagtulun-an, pag kat-on sumala sa mga gipanudlo sa mga apostol.
Arun ikaw usab maka panudlo sa Maayong Balita nga dili hinimu sa uban.
Tungod niini paningkamot kamo sa pagkinaugalingun ug pagtuon sa mga nahisulat arun dili kamo magapahinambug sa mga buhat sa uban. Kay ang ganti dili basi sa mga hinimu sa uban kundili sa tagsatagsa nga kaugalingung hinaguan.
Kini nga pamaagi maoy ginatudlo sa mga apostol nga sa ila lamang kita maga sukad arun dili magkabulag bulag ang pagpanabot.
<DMH>
Kung gusto ka nga mahimung matinud-anun sa pagtulun-an, pag kat-on sumala sa mga gipanudlo sa mga apostol.
- 1Cor 4:17 Tungod niini nga hinungdan akong gisugo kaninyo si Timoteo, anak ko nga hinigugma ug matinumanon sa Ginoo, nga magapahinumdum kaninyo sa akong mga kagawian kang Cristo, ingon sa gipanudlo ko sa tanang dapit, sa tanan nga iglesia.
Arun ikaw usab maka panudlo sa Maayong Balita nga dili hinimu sa uban.
- 2Co 10:15 Sa walay paghimaya nga labaw sa among sukdanan, sa kinabudlayan sa uban nga mga tawo; apan nagabaton kami sa paglaum, ingon nga nagatubo ang inyong pagtoo, pagapakadakuon kami sa taliwala ninyo, ingon sa among sukdanan nga sa labi pang madagayaon, 16 Aron igawali ang Maayong Balita hangtud sa mga dapit sa unahan pa kaninyo; sa dili paghimaya sa sulod sa utlanan sa uban mahitungod sa mga butang naandam na.
Tungod niini paningkamot kamo sa pagkinaugalingun ug pagtuon sa mga nahisulat arun dili kamo magapahinambug sa mga buhat sa uban. Kay ang ganti dili basi sa mga hinimu sa uban kundili sa tagsatagsa nga kaugalingung hinaguan.
- 1Cor 3:8 Karon ang nagatanum ug ang nagabubo usa lamang sila; apan ang tagsatagsa magadawat sa iyang kaugalingong balus, sumala sa kaugalingon niya nga kabudlay.
Kini nga pamaagi maoy ginatudlo sa mga apostol nga sa ila lamang kita maga sukad arun dili magkabulag bulag ang pagpanabot.
- 1Cor 4:6 Karon kining mga butanga, mga igsoon, ingon nga ang pagsulondan akong gibalhin sa akong kaugalingon ug kang Apolo tungod kaninyo; aron nga kanamo makakat-on kamo sa dili pagbaton ug mga hunahuna nga kapin sa mga butang nga nahasulat na, aron walay usa kaninyo magpaburot nga dapig sa usa batok sa usa.
<DMH>