Balaang Kamot
Kung ikaw muadto sa pagpakig-ambit, pagyukbo, ug pagpadayag sa Dios....unsa nga kamot ang imung ipataas sumala sa nahisulat?
1. Ang kinaiya or unod ba nga kamot?
2. O ang espirituhanon nga kamot?
Sumala sa sulti ni Hesus, kung ang tuong kamot nimu makasala, putla kini. Ang unod ba nga kamot ang iyang gipasabot nga putlon?
Dili, kay susama ra kini sa ginasulti ni Pablo nga kung ikaw dili magapadayon sa pagkamaayo sa Dios, ikaw paga putlon.
Ang atong mga buhat maoy atung espirituhanong kamot atubangan sa Dios. Mao kini ang angayan natong pagaputlon kung dili maayo ug atong igabayaw kung maayo. Ang maayo natong binuhatan maoy maputling kamot ngadto sa Dios ug maoy angayang igabayaw sa bisan asa sa walay kaligutgut ug paglalis matud pa ni Pablo sa iyang sulat ni Timoteo.
Mao nga, ayaw pagpaka bota sa panabot ug igabayaw ang imung mga maayong binuhatan sa Dios sa bisan asa bisan pa sa panahon sa pagpakig ambit sa atong mga kaigsuonan, ug dili ang mga undanon nga kamot. Sama sa pag-ampo kaniya mahitungud sa imung pagpanudlo, sakripisyo tungod sa iyang ngalan, ug mga pagpasalamat ug pagdayig kaniya sa tanang butang.
<DMH>
1. Ang kinaiya or unod ba nga kamot?
2. O ang espirituhanon nga kamot?
Sumala sa sulti ni Hesus, kung ang tuong kamot nimu makasala, putla kini. Ang unod ba nga kamot ang iyang gipasabot nga putlon?
- Mat 5:30 Ug kong ang imong kamot nga too mao ang kahigayonan sa imong pagpakasala, putla ug ipahilayo kanimo; kay maayo pa kanimo nga usa ka bahin sa imong lawas mawagtang, ug dili ang tibook mong lawas igahulog sa infierno.
Dili, kay susama ra kini sa ginasulti ni Pablo nga kung ikaw dili magapadayon sa pagkamaayo sa Dios, ikaw paga putlon.
- Rom 11:22 Busa tan-awa ang pagkamaayo ug ang pagkabangis sa Dios; alang sa mga nangahulog, kabangis; apan alang kanimo, ang kaayo sa Dios, kong magpadayon ka sa iyang pagkamaayo; kay kong dili ikaw usab pagaputlon.
Ang atong mga buhat maoy atung espirituhanong kamot atubangan sa Dios. Mao kini ang angayan natong pagaputlon kung dili maayo ug atong igabayaw kung maayo. Ang maayo natong binuhatan maoy maputling kamot ngadto sa Dios ug maoy angayang igabayaw sa bisan asa sa walay kaligutgut ug paglalis matud pa ni Pablo sa iyang sulat ni Timoteo.
- 1 Tim 2:8 Busa nagatinguha ako nga ang mga tawo manag-ampo sa tanang dapit, nga managbayaw sa maputling mga kamot, sa walay kaligutgut ug paglalis.
Mao nga, ayaw pagpaka bota sa panabot ug igabayaw ang imung mga maayong binuhatan sa Dios sa bisan asa bisan pa sa panahon sa pagpakig ambit sa atong mga kaigsuonan, ug dili ang mga undanon nga kamot. Sama sa pag-ampo kaniya mahitungud sa imung pagpanudlo, sakripisyo tungod sa iyang ngalan, ug mga pagpasalamat ug pagdayig kaniya sa tanang butang.
<DMH>